CSKO 25' tha taka hmang zo

Christmas Season Kick Off 2025 chu Mimtukthla 1, 2025 zan khan Roberts Jubilee Chapel campus, Sielmat ah program zangkhai takin tha taka hmang zo a lo ni tah. Christmas Season Kick Off 2025 hunser hi Rev. Joe Sanghmingthang in a hmang a. Pathien thu a tiemlang zoin meiser insitin meipui sem tanin program hmang sunzawm pei a nih.  - ( CSKO tobul )

Tukum CSKO hi Manipur a hnam buoina a suok hnung tuolpara hmang nawkna a vawikhatna a nia, tuta tum hin puotieng mi khawm fiel um hranpa loin KTP member a inthawk hlasak, malzai ngaithlak a nia. Sielmat Bible College a inchuklai mek KTP member Tv. Joseph Lalremruot a inthawk Pathien thuhril ngaithlak a nih.

Tum danga hmang a ni hlak dan angin Krismas ding le inzawma sawmdawlna rawngbawlna a hmang dingin thawlawm lakkhawm a nia. Hun hmang a ni lai zingin thingpui dawn a ni bawk.

Nu le pa thahnem tak an fekhawm a. Chubaka chun, unau EFCI KTP hotuhai le member hai khawm hi hun hmangna a thang dinga fiel an ni angin thahnem tak an hung thangve a. Hi hun hmangna po po hi InFo in video coverage an thaw a nih.

CSKO hi a hlimhlawp, inhawi ti, inchawm a lam dur dur kha a thupui tak a ni nawa. Hmang a nina san tak hlak chu, Krismas Season a hung tlung hin Mimtukthla a inthawk bek hin chu Bethlehem tieng thlirin kohran inkhawmna, hmalakna le a dang dang hai lo tan ta inla, ei lungril hai khawm Isu Krista pieng champha ei hmang ding le inzawmin lo inpuocha tan ta inla tina a hmang a ni tak hlak a nih.  

CSKO 25' program