KTP Chairman in KTP group 2025-26 a hawng

Thlaphal 21, 2025 - Zirtawpni zan Thalai inkhawmna ah KTP Chairman Tv. Anthony Buongpuiin tuta term fe mek (2025-26) sunga hmang ding KTP group chu a hawng a. Rev. L. Joshua in KTP Group le leader hai Pathien kuomah tawngtainain a'n hlan.

Term fe meka KTP group hi pali - Galati, Ephesi, Philippi le Kolossa (Diaspora) a the a nia. Group hai hi Leader le Assistant Leader in inrawi an ta, group target/fund hai hi Unit Thalai Pawlin Missionary a Support na (Missionary Support Fund - MSF) ah a lut vawng hlak a nih. 

KTP Group hi MSF chau ni loin, group a active a a hrat chun Thalai telpui chenah nghawng neiin, Thalai hmalakna le rawngbawlna kawnga khawm nisien a tangkaiin a hlawk hle hlak. Chuleichun, group mawphurtu le member haiin group hi "a mei mei" anga ngai loa thahnemngai taka theitawp suoa thang lak tlang a pawimaw hle a nih.