TW Editorial | Thlatun27, 2025

Nakie tiin thingpui a lo dei ta hlak

Nu le pa in thaw ding an hril huna dawnna an dawng rawn tak chu “nakie” ti hi ni mei a tih. Eini rawi hi sin hl^ khawm ch$ng, a tawm ruoia sazuk pût a pu hlak khawm ei hawi deu deu. Amiruokchu, “nakie” ei ti sungin thingpui a lo dei ta hlak si. 

Khawvel in\hang zing, inthleng zinga cheng ei ni taa. Khawvel hi an hmaw ta de aw khawm ei ti rawp. An hmaw ta hrim a nih. Thil hi a liem put put zing el a nih. Thil thar a tam ang bawkin a hlui awl hle bawk. Vawisuna phone changkang em em khawm zinga chu tulai \awng takin, a “outdated” nghal hlak. Hieng ang khawvela cheng ei ni ta lei hin, “nakie” ei ti sung hin ei unauhai varal an kai zo an tah. 

Aw thalai, nakie nghak naw raw. “Zingah thaw de ning” ti naw bawk la. Nakie la thawng ka tih tiin i thiltum suk chawl naw. Annawleh, kar nawk tieng leh tiin suk khawtlai naw. Asanchu thil an thleng zung zung zinga, a hunlaia phurna kha a bo rawp hlak. Nakie ti khan i phurna kha sûm tui painaw angin thli i mut leng mei mei hung ning ata, i thiltum suk puitlingloa lungngaia \hunga duthusam sam bâk thei ei nei ta ngai si nawh.

Tukhawm, thil iengkhawmin an mi nghak an mi nghak pei nawh. “Nakie” ti kha i thil thaw nuom hai thlanmuolah inchang hlau rawi a tih aw.  Nakie ti ta loin a bul hang \an phawt phawt la. A thaw dan ding hriet naw khawma inchuk fawm peiin hang thaw \an la. Ka thaw ding am ka thaw naw ding tia ei saikar sung, hi hi kan exam ding am kan exam naw ding tia in ngaituo sung an hnu hman ta hlak si. 

Nakie ti sungin thingpui a lo dei hman ta hlak a. Nakie ti zingin ei thil tumhai an zalna thlanmuola ekche \hung ei ni nuom fut annaw. Aw \halai, har rêl ve rawh.