Lusun sungkuo pahni Rev. Jaya Kumar le Khaw lal Isaac kan
Kristien Thalai Pawlin kohran sunga thina tuok, lusun sungkuo hai Pathien thu le hla a kanna hunser tawi a hmang hlak chu sunzawm pei a la ni a. Tulai hnai kum hlui a lusun sungkuo Rev. Jaya Kumar hai le khaw lal Tv. Isaac hai chu kar liemtah khan kan an nih.
Tuolbuol ni 12, 2025 khan Pi Lalrongur @ Nguri a sungkuo, Rev. Jaya Kumar hai chu Pathienni zing inkhawm tinin KTP hminga kan an ni a. Hi hunser tawi hmangna a hin Tv. Joab L. Keivom in hun hmangna an rawi a, Re. Rambuotsai Tusing in thuhrilna hun hmangin, lusun hla hai saka inpawltlangna hun tawi hmang a nih.
Pi Nguri hi kum liemtah Mimtukthla ni 15 a kha an chengna in, Lal veng (007 Royal Street) a ei lo the a ni tah.
Pathienni zan inkhawm tinin Sielmat khaw lal (Village Chief) Tv. Isaac Khawbung, a chengna in lal inah KTP in a kan bawk. Hunser tawi hmangna hi Tv. Solomon Pauremlal in an rawi a, Rev. Joe Sanghmingthang in Pathien thuhrilna hun tawi a hmang bakah lusun hla hai sakin inpawlna hun tawi hmang a nih.
Tv. Isaac Khawbung hi ei kohran member in kher naw sienkhawm, ei thalai chanpui a ni el bakah a nu le pa in indawt zuta an zuk maksan na lei le khaw lal a nina lei taka KTP Committee chun ei member ni naw sienkhawm tiin lal anga hieng ang kanna hunser tawi hi riruongna a siem a nih.
Tv. Isaac a pa Sielmat lal Pu VL Mawia hi kum liemtah Thlaram ni 27 khan a thi a, chu zo sawtnawte hnungin lal-nu Pi Asele chu Mimtukthla ni 2 khan a thi zui ve ta nghal a nih. Lal Isaac kanna hunser hmangna hi KTP YouTube Channel Lal Isaac kanna ah en thei dingin InFo team haiin an kapkai bawk a nih.
Lusun sungkuo hai ta dingin thaw thei ei nei naw a, ei thaw thei umsun chu ei hrietfuk zie ei suklang chau hi a ni a. Thlamuongna le malsawmna hai chu Pathienin an tul le an mamaw angin pe pei raw sen.
Acha... .....
ReplyDelete