KTP project exam class a fe zing
Kristien Thalai Pawlin kum liemta a hmalakna a lo nei laia pakhat KTP Project Exam chu Committee in sunzawm pei nisien tha a ti leiin, term thar fe mek sanghni sawmhni panga a ding khawma hi project hi sunzawm nawk a nih.
Hi le inzawm hin kum thar Tuolbuol ni 8 khan NSSU Hall ah KTP Project Exam chu tan a lo ni nawk tah. Tv. Samuel Lalmuankima in Pathien kuoma tawngtaina hun hmangin class tan a ni a, ama hin class a lak zui nghal a nih.
Project exam hi class fe pui zing a ni a, hunbi ruot a riruong lawk thei vawng a ni naw a, a thang nuom hai chu group siem a ni a, chutaka chun thu inhrepawin zirtirtu le class a thang ding hai inruol thei hun ngaiven a class hi sunzawm pei a nih.
Thalai Pawl member hai hi kohran le thlarau tieng thil el bakah, sin zawngna kawnga khawm theitawpa thang ei lak a pawimaw zie thalai pawlin a hriet leia hi project hin thei le thei lo hrila mi hai thaw ang tling phak naw sienkhawm thaw hlak a nih. Insit a umna a hmun dam, a zirtirtu dam le thil dang dangah a um hlak el thei, nisienkhawm, thei ang anga ringum le takinning taka ei ei thaw a ni chun ei inrimna ah Pathien malsawmna a um hlak a nih.
A hmel enin tlawm hle sienkhawm, KTP member exam pe hlak hai ta ding chun thang a tangkaipui le hlawkpui seng dingin ei infielin ei inngen a nih.
Acha.......
ReplyDelete