KṬP Project Exam class lak ṭan

Ṭhalai Pawl sunga member exam ziek hlak hai ta dinga thu lawmum le, Kristien Ṭhalai member haiin sawrkar sin le exam an ziekna kawnga hai inṭhangpuina a um thei dan dan a inṭhangpuina ding tia KTP Project Exam induong a um chu hmatieng a pan pei.

Project Exam mawphurtu hai hmalaknain Thawleni (Thlatun 16, 2024) zan khan Fellowship Hall ah class lak ṭan a nih.

Class lak ṭan a ni hmain Ṭhalai Chairman in ṭawngṭaina hun a hmang a. Tv. Josiah Ruolngul in lekha tiem dan ding, thaw ding thaw naw ding, tips & tricks a hril a. Hi zo hin Ṭhalai Secretary in zirtirna hun a hmang.

Thawleni zan hin ṭhalai member 9 class ah an ṭhang a. Vice Chairman khawma a uop bawk. Mawphurtu haia inthawk thu ei dawng danin, chawlkar khat ah class hi 2/3 vel nei pei tum a riruong a ni a. Vawizan lusun lengkhawm ṭin ah class a um nawk ding a nih.

Hi Project hin ṭhalai hai ta ding malsawmna hung intlun sien ei nuom a, a ṭhang hai takinning taka ṭhang dingin ei ditsak a. A hlawtling theina dingin ei ṭawngṭaina ah hrietfuk tum hlak ei tiu.