Header Ads

Header ADS

KTP Project Exam hawng

Kohran ni inla khawm khawvel a ei khawsak relna kawnga pawimaw le intlansiekna nasa em em inchukna tiengah ṭhalai member hai inṭhangpuituona ding tiin KṬP Committee Sitting No. 390/Resolution pathumna chun “KṬP Project Exam” siem dingin a rel a, mawphurtu ding ruot an nih.


Hi dungzui hin mawphurtu haiin hma an lak ṭan a, a ṭul le pawimaw ang bawzuiin Zirtawp zan Ṭhalai inkhawm (Thlatun 6, 2024) khan, ṭhalai member haiin malsawmna le hlawtlingna changna a an hmang ṭangkai ngei theina dingin Pastor HD Ramtharlawm in hawngin ṭawngṭaina in an hlan nghal a nih.


Tukhawm hin SSC 10+2 Exam thu a suok nawk ta a, Exam nuom hai ta dingin form fill up thei zing a ni tah. Ṭhalai member exam nuom, iemani tia form fill up kawnga harsatna nei dam ei lo um a ni chun, Ṭhalai Secretary kuoma WhatsApp/Call a hril el ding a nih.


KTP Project Exam mawphurtu a hin coaching pe thei a thiem filawr taluo an um bik nawa, nisienkhawm, exam na ding thila hai nisien hriet ang ang inhril a indawmtuo pei thei beisei a ni a. Competitive chau ni loin, pawl sawm le sawm pahni hai ta ding khawma ṭum danga lo thaw hlak angin a ṭul le remchang izirin inhrilna hun hai khawm buotsai thei dinga beisei a nih.


Hi group hi member haiin ṭangkai taka ei hmang ei beisei a nih.

1 comment:

Powered by Blogger.