KṬP member solfa Diploma zo thar

Ei ṭhalai member le hla inchuktirtu Tv. Matthew Amo chu Independent Kohran, Kristien Ṭhalai Pawl inkhawmpui lien vawi 40-na Muolhoi ah Tonic Solfa Diploma Examination 1st Division ah a pass.

Musical Board of Examination, ICI in Certificate hi an hlan a. Hriet suol a ni naw chun Matthew hi ei Unit a solfa Diploma zo hmasatak, Independent kohran a Diploma zo ta po 12 hai laia pakhat niin tuhin ICI Central Choir member a ni zing.

Ṭhalai rawngbawlna kawnga pawimaw em em solfa thiem member ei nei hi lawm a um ei ti hle a nih.