Header Ads

Header ADS

2nd State Level KTP Badminton Champion Christopher Hmar

Tuolbuol 18 a ṭan lo ni tah, Games & Sports Department in an huoihawt 2nd State Level ICI KṬP Badminton Championship 2024 chu Tuolbuol 20, 2024 (Inrinni zan) khan a lo ṭumṭiek tah. Pasal Final ah Christopher Hmar le James L. Amo an inkhel a, Christopher in a khingpuipa hnebanin 2024 Champion nina a lak.



Pro Beginner ah Clement Ralsun le Joshua Amo in final an khel a, Clement in a khingpui hnebanin Pro Beginner Champion 2024 nina a lak a. Pasal Double ah Christopher Hmar - Josiah Buongpui le James Amo - Isaac Inbuon in final an khel a, team hmasa lem haiin an khingpui hai hnebanin pasal double champion an ni a. Nuhmei double ah Vasty - Christina le Sarah - Jessica haiin final an khel ve a, team hmasa lem haiin an khingpui hai hnein Nuhmei double champion 2024 nina an lak. Championship lawmman hai hi hung tlung ding Zirtawp zan hin inkhawm hun a sem dinga riruong a ni a. Inkhel hi Oja Batminton Arena a huoihawt vawng a nih.



Championship zofel ni ta sienkhawm, inkhelmi hai laiah inchona a nasa leiin G&S hotuhaiin remruot in, tuta hung tlung ding Thawṭanni zan hin Open tawp a inchona hun an ruot a. Hi hun a hin Chairman-Vice Chairman le Secretary - Asst Secretary hai double an inkhel ve ding nia hril a nih.


Ṭhalai hmalakna member haiin theitawpa thlawpna ei pek hi lawm a um a, thafanna khawm a siem thar. Inkhel ni lo hmalakna dang dang a hai khawm, ṭhalai hai ṭhangtlang pei ei tiu.

No comments

Powered by Blogger.