Ṭhalai Ni hlawtling taka hmang; Diamond Jubilee kum intluon lawmna hawng [VIDEO]

Independent Kohran pumpui a Ṭhalai hai puol bik hun Ṭhalai Ni chu February 16 khan hmun tum tum a hai thei ang anga ursun takin hmang an ni tawl a, Sielmat a khawm zing le zan hun a hmang ve a nih. Feb 16 - Nilaini zingkar khan biekin tuolah Ṭhalai Chairman in Ṭhalai puonzar a keiphar a, thingpui le bei dawn le fak tlang a nih.

Sun hun ah hun siem ni naw sienkhawm zan hun ah ursun taka hun hmang a ni a, kohranpui tieng abikin Pa tieng haiin an uop ṭha hle. Inkhawmna hun a hin Pu Herbert Ralsun, Nk. Gloria Khawlhring le Tv. Joyful Ṭhiek haia inthawk inpakna hla mawi tak tak el ngaithlak a ni a. Ṭhalai Secretary in Ṭhalai Ni hmang ṭan dan le hmang a nina san tawifel takin a hril a.

Rev. Alan Ṭhiek a inthawk Pathien thucha ngaithlak a ni a. Inkhawmna hi Ṭhalai Anthem sakin benediction a khar a nih.

Zan hun hnina biekin tuola hmang a ni a. Hi hun a hin tukum Diamond Jubilee kumtawp a lawmna hun hmang a ni ding le inzawma Committee in a rel angin, yearlong celebration (kum intluon a lawmna) nei ṭan dingin Ṭhalai Chairman in a hawng a, a hawng zo hin Independent Memorial hlapawl in a zui a, chu zo chun sitvar insuo a ni a. Vawikhat inzo thawkkhat hnungin Upa Lalrothlang in Diamond Jubilee kum intluon lawmna ṭha taka hmang a ni ei theina dingin Pathien kuomah ṭawngṭaina hun a hmang a nih.