Feb 16 ah Ṭhalai Ni hmang ding; Diamond Jubilee kum intluon lawmna hawng ding

Hung tlung ding chawlkar thar Feb 16 khin Ṭhalai Ni hmang ning a tih. Ṭhalai Ni hi sun ah hun hmang ding a ni naw a chu zingkar dar 7:30 in Roberts Jubilee Chapel tuol ah Ṭhalai puonzar keipharna hunser hmang ning a ta. Ṭhalai puonzar hi Chairman Paul Nathan in keiphar a ta, hunser hmangzo a niin thingpui le bei dawn ning a tih.

2020 Ṭhalai Ni le inzawma zing hun a Ṭhalai puonzar keipharna hunser hmang lai

Zan inkhawm thimbut dar 6 a ṭan ning a ta. Ṭhalai Ni chungchang hrilna Secretary in hun hmang a ta, thawlawm um a tih. Zan hun a Pathien thucha hriltu ding chu Rev. Alan Ṭhiek a ni a. Ṭhalai member Pu Herbert Ralsun, Nk. Gloria Khawlhring le Tv. Joyful Ṭhiek haia inthawk inpakna hla ngaithlak ning a tih.

Ṭhalai Ni le inzawma hunser pathumna hi zan inkhawm ṭin hunah biekin tuol a bawk hmang nawk niin kum intluon a Diamond Jubilee lawmna (Diamond Jubilee yearlong celebration) chu Ṭhalai Chairman in hawng a ta. Hi hun a hin Jubilee lawmna le inzawmin sitvar insuo ni dingin Ṭhalai hotu hai chun an hril.

February 16 zan inkhawmna chu a hnuoia ang hin induong a nih.

Conductor : Tv. Anthony Buongpui

Ṭantu : Nk. Vasty Lalengvar

KṬP Day chanchin hrilna : Secretary

Thawlawm : KṬP Day

Thawlawm inhlantu : Upa Ramhlunsang

Special No. : 1. Pu Herbert Ralsun

        2. Nk. Gloria Khawlhring

        3. Tv Joyful Ṭhiek

Thuhriltu         : Rev. Alan L. Ṭhiek

KṬP Anthem sakna :

3^rd Session: Diamond Jubilee Yearlong Celebration Kick Off (Biekin tuol ah)

Diamond Jubilee Yearlong Celebration hawngna: Tv. Paul Nathan, Chairman, Sielmat ICI KṬP

Diamond Jubilee Yearlong Celebration ta dinga ṭawngṭaina: Upa Lalrothlang

Hunser hmangzo vawng a ni hun ah thingpui dawntlang ning a tih.

Ṭhalai Weekly website a ṭhalai hun inhmang dan ding ei kapkai hi Secretary a inthawk a thusuok a nih. Ei hmabaka hun pawimaw tak el hmang ding induong lawka um ta sa hi, puitling le hlawtling taka hmang le ṭhalai hai phur le tam tak fekhawm a ni theina dingin ei ṭawngṭaina haiah ei hriet el ding bakah, ei ruolhai ṭhang dingin in fiel tawl ei tiu.