Țhalai Diamond Jubilee zakuo tlangzar; INR 500, 700 le 750 man a siem

Kumtawp a Țhalaiin Diamond Jubilee lawmna dinga inbuotsaina a fepui mek le inzawmin NSSU Hall ah vawizan (Feb 21, 2022) khan Diamond Jubilee zakuo mawi tak tak hai chu Țhalai Chairman Tv. Paul Nathan in a tlangzar a, Rev. J. Thanglur in Pathien kuomah zakuo hai țawngțaia inhlanna a nei nghal a nih.

Diamond Jubilee zakuo hi Diamond Jubilee T-Shirt Sub-Committee in an buotsai a ni a. Tlangzar hun a hin a man bituk um loa fiel bik hai kuoma zawr a ni a. Tuta inthawk Diamond Jubilee t-shirt hi hieng ang hin zawr țan ning a tih.

Round neck - INR 500, Collar a mansa bo - INR 700 le Collar a mansa um INR 750 in a dit taphawt haiin an inchawk thei ta dinga a man bituk fel a ni tah.

Țhalai Diamond Jubilee ding le inzawma țhahnemngai taka Țhalai Pâwl hmalakna a vawizan a kut rawltu hai, DJTSC chun lawmthu a hril a nih.

Țhalai member Nk. Gloria in inpakna hla a sak lai

Diamond Jubilee zakuo chi dang dang hai