Diamond Jubilee sub-committee in Movie Show a huoihawt

Kumtawp a ei Ṭhalaiin Diamond Jubilee lawmna hunser ropui taka hmang dinga an duong le inzawma sub-committee dang dang indin hai chun hmalakna an theitawpin an nei tawl zing a. Chuong hai laia pakhat chu Diamond Jubilee T-Shirt Sub-Committee niin an ni inrawina in Thawṭan zan khan NSSU Hall ah Movie Show hlawtling taka huoihawt a nih.

DJTSSC hin tuhin Diamond Jubilee le inzawmin zakuo khawm an insiem tir mek a hriet a ni a, hung tlung ding Feebruary 16 a Diamond Jubilee yearlong celebration hawngna hunser hmang a ni hun ah, an t-shirt buoipui chi dang dang laia mi chi khat chu inchawk le hak thei dinga tlangzar hman ngei dinga ṭhang lak a nih.

Diamond Jubilee lawmna hun hi December 2022 thla tawp a hmang dinga riruong a ni leiin, hmun dang dang le ram dang dang a um hai chun veng suok dinga lo in riruong lawk ṭan thei a ni taa. Jubilee lawmna ding a hin tha chau ni loin sum khawm tam tak a lut ding a ni leiin, Ṭhalai haiin ei mamaw Pathien kuoma intlunin ṭawngṭaina nasa zuol ei tiu.