LAL DAVIDA KHAWPUI A CHUN

                                                                                   

Lal Davida khawpuia chun, 

Rûn tin zâwtin a'n vai ka LALPA; 

Bethlehem hmun tlâwm tak el chu a hung thlang, 

A va tlâwm ngei maw Vân Lal Nau ding chun. 

Chunghnung taka ropui raw se, 

Hnuoi le Vân kârah Remna Palai chu; 

Hnuoi mihai kuomah remthu inlêng sien, 

Vân Lal Nau ngei Lal Krista a nih inpâk ei tiu. 

Hieng ang lâwmna Lal ropui hi, 

Vân hnuoi lai hin pieng ta naw nihai; 

Hnuoia hin inriengin maw a hung insieng, 

A va tlâwm ngei maw Vân Lal Nau ding chun. 

Lal Herodin lo hnâwl sienkhawm, 

LALPA remruot dang ruol ding a'n nawh; 

A'n Lalna thurûk i hriet sêng a ni nawh, 

Dotu tam sienkhawm A ram lien pei a tih.