INPAKIN CHAWIMAWI EI TIU

                                                                                   

Van angel ruolin an chawimawi nghawk lo,  

LAL ropui tak chu kei misuol ta dingin; 

Remna palai sin thaw dingin maw, 

Tlawm takin ranthleng a hung bel chu. 

Inpakin chawimawi ei tiu 

Lal thar hung pieng hi, 

Rothil hlu tak hai nei naw inla khawm, 

Ei lungril robawm a kuom tieng hawngin, 

Lal thar pieng chibai buk veng ei tiu 

Khawvel Lal hai khawmin an khum zo lo, 

Ka Lal pieng ni in Hnuoi le Van a nghawr vel; 

Ropuina, Chawimawina inhlanin, 

Mihriem lai remna thu inleng sien 

Krista insiengna chu mi tlawmtak khawm, 

Thuphmang ruol loin Lalpa'n chawimawi a tih; 

A hmel var chu miha'n hmu ve in, 

A ram inzauin lien pei a tih. 

Isu kan kuoma hung cheng zing la aw, 

Kan lungril Ranthleng tirdakum takel hi; 

Tlungchilin rimtui mi buok khum la, 

Lampui indik kan hraw thei na din.