Kan muongna, himna

Aw Lalpa tulai kristien hringnun ka dawn changin

Siemtu nang Pathien dawnsak lova leng hi

Kan va tam ta ngei

A sie a ṭha dawn lo le, mani hmasielna in,

Chatuon thina lampui kan pan mek a nih.

Aw Lalpa kan himna, kan thlamuongna chu i nih,

Ṭitna thlaphangna tuok hlak in lang khawm,

Pathien thil thawthei kan nei che kan vangnei ngei,

Kan muongna, himna i nih.

Ringtu kristien hai lai hin nangma ṭitna a um nawh,

Nuomsip bawlnain thieng le thiengnaw thawin,

Hringnun kan hmanga,

I siem thlipui ruopui han an mi nuoi vel changin,

Ṭi le inthinin bel ding kan zawng ruoi hlak.

Lalpa i cross put puma, kalvari i pan lai khan,

Hmangaitu bo le santu ding nei lovin,

I thla a'n vai maw?

Hmusitna le neksawrna'n, nuisan hai sien che khawm,

I thilthawtheina’n an ni an inthin khah.

Lalpa I ropuina le sum lai i hung pha chun,

Mitin reng haiin i hmel var hmung kan tih,

I hung nawk pha chun,

A chêksawl tu hai che le hemde tu hai ngei khawm,

Ti le inthin in nang hmu tang an ti che