HMANGAINA TUIPUI ANGA LIEN

 

 

Hmangaina tuipui anga lien,

Ngilneina tuilien angin,

Vanlal nau thisen hlutak chun,

A min tlan kei misuol hi.

Hmangaina inkhi ruollo chu,

Inpak tawpni um naw nih.

Zaiin awi ka tih hmangaina,

Chatuon hmun tlung chen khawmin.

 

Hemdena tlanga inthawkin,

Hringna tui hung luongsuok chun,

A mi chim ve kei misuol khawm,

Hmangainaa mi pawmin.

Van le khawvel inthe hnung chu,

An remtir Van Lal thina'n,

Khawvel suola tluta hnunghai,

Hmangaina'n a hung intlan.

 

I hmangaina inkhi ruol lo,

Chel tlatin ka damsungin,

Nangma ta ding chauva hringin,

Ka nun hi nang inpak na'n.

Khawvel thil teplo el hai hin,

I ropuina hlie naw sien,

Min tlanin, imi suk thieng tah,

Ka thlarau a zalen ta.

 

Thutak lampui mi khawkhmu tu,

Van thlarau thienghlim ngei chu,

Ama ringtuhai ta dingin,

Malsawmna tinreng a pek.

Thilthawtheina le hmangaina,

Inkhi ruollo chun vurin,

Hieng lawma hmangaina ropui,

A mi hip hnai i kuom tieng.