Christmas Season Kick-Off hmang

Christmas Season Kick-Off 2023 chu Thlaphal 24 zan khan Fellowship Hall a hmang a nih. Tukum Kick-Off le kum dang Kick-Off hi an ang naw a, Manipur state a tlangmi le bawkrang hai indona la fe zing leiin a huou huou zawnga hlim le lawm a inri dur dur chi a hunser induong ni loin, buoina leia harsatna tuora ralzam hai ta ding bik lieu a buotsai a ni a. An ni ta dingin sawmdawlna thawlawm dawl a ni bawk.

Christmas Season Kick-Off hawngna Rev. Joe Sanghmingthang in a hmang a, Dr. James R. Ruolngul in buoina leia thina tuok hai, in le lo chan tah, mani ina um ngam ta lo le umna ding nei ta loa sawmdawlna ina um mek hai ta dingin tawngtaina hun a hmang. Chun, Rev. Jaya Kumar in Pathien thucha hrilna hun a hmang bawk a nih.

Pathien inpakna hla (malzai) Tv. Jehova Z Zote, Nk. Juanita Zoparmawi le Nk. B Melody haia inthawk ngaithlak a ni a. Christmas thusam Nk. Monica Ramdinthar in mawi le ngainuom um tak el a hril. Hunser hmangna hi Rev. RC Varte in tawngtaina in a khar a nih.

Hunser hmangzo a niin taksa ruoi, thingpui inhnik tak le fak ding siema um chu thalai pawl le fekhawm haiin an kiltlang. Hi Christmas Season Kick-Off hmangna hi Documenting Team hai hmalakna in Churachandpur phairuom sunga local cable network changtlung le hlun tak el Hornbill Cable Network in an mi lak a, hung tlung ding thla thar tarik 1, Mimtukthla 2023 khin Thalai YouTube Channel a insuo ning a tih. Thlalak mawi tak tak khawm Documenting Team haiin an la hung kapkai beisei a ni bawk.