HD Lalremruot Tribute Football (Thlalak le report)

Rev. Thangngur Group hai chun an member chanpui Pu HD Lalremruot ngainat suklangna le hrietzingna in zani zan liemtah Thlaṭau 28, 2023 khan HD Lalremruot Tribute Football Match an huoihawt. Tribute Football hi Konsham Arena a huoihawt a ni a. Ṭhalai ṭhahnem tak fekhawmin Ṭhalai group pali hai - Rev. Taisen, Rev. Thangngur, Rev. HK. Dohnuna le Rev. Thangler a group hai an inkhel a. Pasal inkhel karlakah nuhmei football inkhel a ni bawk.

A hawngna hunser ah Rev. Thangngur Group hotuhaiin huoihawt a nina san hai fel takin an hril a. Sunna hunser toṭawkin minute 1 hmangzo a niin Ṭhalai Chairman Tv. Anthony Buongpui in Pathien kuoma ṭawngṭaina hun a hmang a. Pu Remruot a nuhmei Pi Lalnunsung in Tribute match a pet-hawng (kick-off) a nih.

Hi hun a hin Pu Remruot a ral nuom hai ta dingin bâwm sie a ni a, gpay fethleng khawma raltu iem a ni zat an um a. Thingpui zawrsa bawk niin an tangka lamdawk po hi Pu Remruot ralna in a sunghai kut ah inhlan an tih. Hi ding le inzawm hin Rev. Thangngur Group hai chun Inrinni liemtah khan motor sawp inhlaw an lo thaw ta bawk.

Rev. HK Dohnuna Group le Rev. Taisena Group haiin final inkhelin Rev. Taisen Group hai chu Tribute match Champion an ni a. Inkhel a ṭhang le ṭhalai member fekhawm hai hin Pu Remruot sunna in an ban, kut ring le lu a hai ribbon dum an khit tawl a nih.

HD Lalremruot Tribute Match hi Documenting Team haiin video coverage thawin ei ṭhalai YouTube Channel - Sielmat ICI KTP ah kapkai a ni tah.