Diamond Jubilee Star vel khatna zo

Ṭhalai Pawl Diamond Jubilee lawmna ding le inzawma kum intluon lawmna sunzawm peiin Diamond Jubilee Star a vel khatna chu vawizan  (Thlazîng 1, 2022) khan Fellowship Hall ah zofel a lo ni tah.

DJ Star a vel hnina a dingin mi 10 thlangdawk an ni a. Thlangdawk hai chu - Christopher V Hmar, Samuel Lalhuopzau, Faith Roneihlu, Ramtiemmawi Songate, Melody Biete, David Lalsansang, Moses Biete, Seraph Lalthienghlim, Gospel Lalthangmawi le Clement Ralsun hai an nih.

Hi malzai inruolsiekna a hin a rengin mi 16 an ṭhang a. Endiktu in Deborah Infimate, Catherine Selate le Enoch Peter hai an ṭhang bawk. Malzai inruolsiekna hi a rengin vel thum a zo ning a ta, vel hnina a inthawk Music track / Keyboard / perkhuong hmang phal a ni ta a, Hmar hla chau sak phal a ni ta bawk. A vel hnina nei hun ding puong a la ni naw a, huoihawttuhaiin an remchang hun ah an hung puong ding a ngai a nih.