Ṭhalai Crusade 2022 ṭumṭiek; Sunzawm ding [Thlalak]

Ṭhalai Committee in a rel dungzuia, ‘Siemtharna’ ti thupui inbuk a Ṭhalai Crusade Zirtawpni zana hmang ṭan a um chu Pathienni zan khan hlawtling taka ngaiin a lo ṭumṭiek tah. Crusade hi July 22-24 sung, Inrinni zing, chawhnung le Pathienni zing, chawhnung hai khawm inkhawmna a hmangsa a ni a. Tuolsung kohran hai remruot angin Thawṭanni zan hin Crusade hi sunzawm la ning a tih.

Rev. Lalrohlu, EAL, ICI chu Crusade Speaker a ni a, ama ṭhangpuitu Pastor Robert Vanlallien, Upa Roland le Mrs. Lalhlimpui haiin Crusade hi an hmangpui.

Crusade hi a pawlpuia inkhawm a Pathien thuhril ngaina, a pawl a inṭhe a inpawltlangna le ngaituo tlangna hun haia hmang hlak a ni a.

Ṭhalai member zakhat neka tam fekhawm hlakin, tamtakin siemtharna le malsawmna an dawng thu an hril tawl.

Crusade sung hin inkhawm ṭin zat thingpui dawn a ni hlak a, Inrinni zantieng khan Hmangaina ruoi buotsai a ni a. Crusade hlawtlingna dingin nu le pa le abikin nuhmei pawl hai khawm ṭawngṭaina haiin nasatakin an lo ṭhang tawl a.

Crusade hun sung hin biekin sungah Mobile Phone chawilut remti a ni naw a, biekin kawtkhar bulah bawm a sie annawleh ina maksan hlak a nih.