TPKṬP 2022 inkhêl ṭumṭiek; Football Champion Sielmat

May 9, 2022 a PLD Arena, Thingkangphai, Churachandpur a ṭan Tuiṭhaphai Presbytery Kristien Ṭhalai inkhel chu vawisun Inrinni (May21) khan Muolvaiphei khelzawl ah Presbytery ṭhalai tam tak fekhawmin inkhelna chi dang dang hai huoihawt zo a niin a lo ṭumṭiek tah. Sielmat chu a thaw ṭha tak Ngurte dawttu Unit niin Over-all lawmman a pahnina ei lak a nih. 

Inkhel hi May 9 zana inthawk khan ṭan a ni a, Football final ti lo po PLD Arena a inkhel a ni a, Badminton po Life Cafe Badminton Court le Volley Ball chu Sielmat le Muolvaiphei a khel ve ve a ni a. Hieng hai baka hin a pawla inkhel chi hrui inkei, poison ball ti hai huoihawt a ni a. Mimal inkhel Badminton le Kalṭhet huoihawt a ni bawk.

Football final ah Ngurte hnebanin Champion nina ei chang a, Hrui inkei pasal ah a Ngurte unit hmaa tlawmin a pahnina ei lak a. Mimal inkhel Badminton ah Kevin Fimrolung chu a thiem tak niin hrat tak nina a chang a, Kalṭhet ah Tv. Alvin Lalngaisak Intoate chu chesuol palin a pakhatna kai thei ding a pahnina a la lak tho a nih.

Zantieng lawmman semna hun hmang a ni a, hmangaina ruoi kiltlangin 2022 Presbytery ṭhalai inkhel chu a lo ṭumṭiek ta a nih.