DJ Souvenir Board mawphurna inthlak le inhlan

Kum 2021 a Diamond Jubilee lawmna hunser hmangna ding le inzawma Souvenir Editorial Board siem a um a Editor le Secretary chu term hlui a member an ni laia thlang le term thar ah Țhalai Committee Chairman le Secretary a thlang tling an hung ni zui leiin committee in rem a ti angin mawphurna insiemremna Pathienni zan (April 24, 2022) zan hin ei Fellowship Hall a hmang a nih.

Hi inthlak danglamna dungzui hin Diamond Jubilee Editor thar dinga ruot chu Tv. Joyful Țhiek a ni a, Secretary dingin Tv. Chawngsangkung ruot an ni a. Mawphurna inhlan zui nghal a nih.

Diamond Jubilee Souvenir hi October thla a Presbytery Țhalai inkhawmpui na a tlangzar hmang dinga riruong a nih.

Mawphurna la thar hai an mawphurna țha taka thaw thei dingin ei ditsakna inhlan zingin țawngțaina ah ei remchang dungzuiin hre hlak ei tiu.

Diamond Jubilee lawmna hi 2022 kumtawp (December) thla tawp a hmang dinga riruong a nih.