Ṭhalai pawlin Pro Pastor Ramtharlawm a'n thla

Thawleni zan liemtah khan Independent Kohran in pro-pastor dinga a lak thar ṭhalai member Pro-Pastor Ramtharlawm chu an chengna in Canaan Vengah  Ṭhalai pawlin inthlana hun a hmangpui.

Ṭhalai Chairman in Ramtharlawm kuoma thilpek inhlanna a nei a, chu zo chun Rev. Alan Ṭhiek in infuina le Pathien kuoma ṭawngṭaipekna hun a hmang a nih.

Pro-Pastor hi April 4 - Pathienni zan khan kohranpuiin inthlana hun a lo hmangpui taa. Ama inthlana a ni el bakah HQ a inthawk hotu suokdawk ding Rev. BL Sandam hai sungkuo inthlana le hotu thar Rev. J. Thanglur hai nua lawmlutna hunser hmang niin an renga ta ding hin Rev. Rosung Sinate in ṭawngṭaina a nei pek tawl a, inkhawm ṭinin biekin tuolah thingpui dawntlang a nih.

Ṭhalai active member, Pathien rama hun pumhlum a rawngbawltu ni dinga inpe tawp loa ei la nei thei zing hi Ṭhalai haiin Pathien kuoma lawmthu ei hrilna ding a ni a. Rawngbawlna khawvela kal pen thar nei ding ei Pro-Pastor thar hi ei lawmpuiin ditsakna ṭhatak el ei inhlan a nih.