Tuiṭhaphai Presbytery KṬP Diamond Jubilee lung inngir fel

Hung tlung ding November 15, 2020 a hawngna hunser hmang ding Tuiṭhaphai Kristien Ṭhalai Pawl kum 60 tling hrietzingna lungdaw chu vawituk khan Presbytery tienga hotuhai le tuolsung  Ṭhalai member hai fekhawmin Roberts’ Jubilee Chapel campus a lungdaw umna hmuna inngir fel a lo ni tah.

Inkhawmpui hun pangngaia hawng dinga hisap a ni angin a lungdaw a hin Oct 25, 2020 hawng ni a ker a ni a chu, hri inleng leia harsatna dang dang um leiin riruong anga a fe thei ta naw leia Nov 15 a hi hawng a ni lem ta ding a nih.

Tukum Diamond Jubilee lawmna le inkhawmpui ropui taka hmang ding ti khawm chu, riruong naw dan angin rorelna hun chau hmang a ni lem ta bawk ding a nih. Rorelna hi Roberts’ Jubilee Chapel a nei dinga riruongna siem a ni bawk. Iengpo khawm nisien, ei hmang hma poa ding chun Ṭhalai hai ei ṭawngṭaina thupui ni zing raw sen.

Vawituk lungdaw inngirna thlalak ei hmu thei ang po a hnuoia ang hin ei hung kapkai.