KRISTA CHU IENGTIN AM I NGAI?

                                                                                       

Mitin ta dingin a hung pieng,  

Lal Krista chu Judai ramah; 

Hnuoi sierpuiah vân Lal nau chu, 

Ranthlêng tlâwm a nghâk ie; 

Hotuhai le lal ngûr pui ha’n a pieng thu an khêk suok a, 

Sienkhawm David khawpuiah chun 

Rûntin zâwtin a’n vâi Lalpa. 

Krista chu iengtinam in ngai a? 

In lungrilah hmun a um am? 

Tu hun le chatuon chena chêng dingin 

Lal le Sandamtu’n pawm i ti’m? 

Aw Sandamtu mi mâksan naw, 

Kan lungril sûngah chêng zing rawh. 

A chûn rieng Mari’n ranthlêngah, 

Puon nêmin a sakruong a tuom; 

Ka dâwmin lunglâi a khawm ngei, 

Lungchim Van Lal Nau chu; 

Van khawpui lunglai thliekin, 

Bethlehem phûllêng a hung nghâk, 

Kei khawm Sandamtu hming ṭanin, 

Damlai thlaler nghâk ve’ng ka tih. 

Van mipuiha’n an hung puong a, 

Lal Krista chu ropui raw seh; 

Hnuoi chungah remthu inlêng sien, 

Do le râl kâra khawm; 

Mitin lungril inthieng sien, 

Vân hmangaina zâia chawiin; 

An nghil bîk nawh lawmna robawm, 

Hawnga rângkachak hlu nêkin. 

Ama miha’n puon ang an hnâwl 

Lal Krista chu Judai ramah; 

Jeisimon thlaler fangsuokin, 

Kraws chungah lu an nghat; 

Ei ram ei hnam rûn tinah, 

Immanuel lal a ṭhung am? 

Ruol thar nun mawi vul ve maw aw! 

Lal krista le a thu-a hin. 

Aw lenruolhai, hung tho unla, 

Lal Krista hi inpâk ei tiu; 

Zâi le biethu’n ka hril sêng nawh, 

A hmangaina ropui; 

Ranthlêng le hling phier khuma, 

Hmangai leia mi’n tlantu chu; 

Hringna tharin Halleluiah, 

Ropui raw se Lal Krista hi.