INPAK EI TIU (EDEN PARMAWI TUOI HNUNG)

                                                                                    

Eden par mawi tuoi hnung sukvul nawk dingin, 

Khawvel Sandamtu a hung pieng tah; 

Pielral nun mawi mi hung insiltir nawk di’n, 

Lal chunghnung takin hmun tlawm tak a hung thlang. 

Inpak ei tiu, remna Lal hung pieng chu, 

An pakna’n hnuoi le van inthang sien; 

Hieng ang lawma ei ta dinga Lal lawm um, 

An pieng nawh, pieng nawk naw nihai chatuonin 

Tiena miha’n hmu an nuom ni lawmum hi, 

Hmu lovin sang tam tak an liem tah; 

Lal lungawi kum hun lawmum sandamna hi, 

Einiha’n ei chang bik hi ei vangnei ngei. 

Tu hma, tu hnung van hnuoi mi hming sak lai hin, 

Sandamtu dang hrim pieng naw nihai; 

Tiena mi thienghlim Simeon-a ang khan, 

Hmua lawmtuhai hi vangnei tak an nih. 

Hnuoi le vana tiem seng naw mipui lai hin, 

A tha chunghnung tak ie Sandamtu; 

Israelha’n an hnawla na pei hnung kha, 

Van Lal rengro pielral lunghlu ka hmu tah.