CHU ZAN PHALBI

                                                   

Chu zân phalbi vûr dei laitak hnuoia,

Chûn Mari’n a hring sakhmel nui sieu in;
A hmel chu hmangaina, lainatna’n a sip
Vân Angelha’n lawm hla an rem,
Kei misuol tlanna’n hringmi chang ṭûl si.
 
Aw a tlawm ngei maw, Vân Lal naupa chu,
Bethlehem ranthlêngah hring a hung chang tah;
Hnuoi le Van inremna Chanchinṭha lawmum a nih,
Lawmin inpâk ei tiu, Remna Lalpa chu.
 
Hnuoi le Van Lal nau piengna hmun ding chun,
A tlawm taluo ie Bethlehem ranthleng
Sienkhawm an Lalna an hmu mivar haiin
Bawkkhupin chibai an bûk a
An hnâwl chuongnaw mi tlawm Berampuhai.
 
Suol thina le thimhnuoia inṭhung a,
Ṭi inthina, thingbul, lungbul be hai;
A hung lût chila Lal silfên chu hlîpin
Suolna le thina chu hne-in
Tuhin hringna varah ei lêng nâwk tah.
 
Iengleia kei hi lai hmuna um hi,
I hringnaa intlan ngai misuol hi;
I mi hung hriet vawng vawng am a na Isu,
A mak ngei Pathien remruot dan,
Lawma zaiin I hming inpâk ka tih.