I malsawmna tiem rawh (KHB)

Lungngai tuipui infawna I um lai hin,
I beidawng lain thil hnung hai chu thlir la;
Pathien thilthlawnpek I dawng hai chu tiem la,
A malin tiem pei la mak ti ngei ti tih.

Thilthlawnpek a malin tiem pei la,
Pathienin a pek che malsawmna;
Malin tiem la, nangma malsawmna,
Mak ti takin inpak I tih Lalpa chu.
 
Phur rik tak i chungah a hung tlung hlak ta'm?
I put ding Kraws chu rik hle di'n an lang maw?
Malsawmna tiem la i ringhla bo a tih,
Hun fe ang peiin inpak hla sak i tih.
 
Mi thenkhat hausaknahai i hmu laiin,
Krista hausakna i dawng ding ngaituo rawh;
Van chung sang i lawman le hausakna,
Suma inchawk ruollo I malsawmna tiem rawh.
 
I chungah buoinahai hung tlung sien la khawm,
Pathien, iengkim chung a Lal ringhla naw la;
I malsawmna chu tiem la, i thi chenin,
Thangpuina le thlamuongna peng a ti che.