Sielmat KṬP Gospel Crusade ṭumṭiek

Tuolsung Ṭhalai Year Planner a inchuon a um anga Kristien Ṭhalai Pawl Gospel Crusade nei dinga Committee in a rel chu tluong taka hmangzo a lo ni tah. Thlahmur 25-28, 2024 sung khan “I piengna ramah fe nawk ta rawh” (Gen 31:13) thupuia hmangin, Evangelist at Large, Rev. HP Runremthang Speaker a ṭhangin Gospel Crusade chu vawizan khan a lo ṭumṭiek tah.

Gospel Crusade hmang a ni hun sung hin ṭhalai member ṭhahnem tak el fekhawm hlak a ni a. Group hlapawl, malzai le Speaker a inthawk Pathien thu le hla ngaithlak hlak a ni a. Tarik 25 a inthawk 27 chen kha zan huna hmang niin 28 zing inkhawm, chawhnung le zan huna hmang niin zantieng hunah Crusade ruoi inhnik tak el ṭhe a nih.

Ram buoi tak kara hmang nisienkhawm, harsatna um loin tluong taka zîksuo a ni leiin lawm a um tak zet a. Pathien chawimawina hun, Pathien thu le taksa a khawp huntawk takin Gospel Crusade a lo ṭumṭiek ta a nih.