Header Ads

Header ADS

Lalpa hung nawkna

Lalpa hung nawkna ni a hnai tah,

Tiin hnam tin hril vel ro;

Muong lovin in hai chu keitho ro,

Hun sawt tak riel ta naw nih;

Ropui takin van sum chungah,

Lalpa a hung nawk ding a nih.



Lalpa (Isu) ngêi chu khek ri leh (Van sum chunga khin ropui takin)

Vantirko chunghung tak rawl leh,

Pathien tawtawrawt ri leh (ropui takin)

Van a'nthawkin a hung ding a nih,

Chu pha chun iem chang ta'ng i ta?

Hun ṭha a liem hma hin inngaituo rawh.


Ṭhenkhatin muonga an ruot angin,

Lalpa a muong si nawh a;

Ringhlatu chu tam hai sienlakhawm,

Pa thutiem a'n khel ngai nawh;

An tlansahai lawrkhawm dingin,

Lalpa a hung nawk ding a nih.


A mi thienghlimhai lawrkhawm dinga,

Krista a hung nawk pha chun;

Bohmangna lampui hrawtuhai chu,

Beidawngin inrum an ta;

Lalpa ringa zuituhai chun,

Lawmna hla thar rem tang an tih.


Unison:

Tawtawrawt a hung inri pha chun,

Ringtuha'n lawm ta'ng ei ta;

Lalpa ngei chu hmathuoitu niin,

Van angel ruolhai le chun,

Zion hla mawi rem ta'ng ei ta,

Aw a van hawi am ngei de maw!

No comments

Powered by Blogger.