TPKṬP kum inkhawmpui 63-na ṭumṭiek

Independent Church of India, Tuiṭhaphai Presbytery Kristien Ṭhalai Pawl kum inkhawmpui vawi 63-na chu Inrinni le Pathienni khan “Tho la i Pathien ko rawh” (Jonah 1:6) thupuia hmangin Rengkai ah inkhawmpui hun hmang a nih. Ram buoi laia hmang a ni leiin kum dang angin inkhawm le inruolsiekna hai a um thei naw a, inkhawm dan chen suk danglam a nih.

Inrinni sun ah rorelna hun hmang a ni a, Presbytery tiemsa loin Unit 4 a inthawk Agenda a lut a, TPKTP 2024-2026 ṭhuoitu ding hai thlang an ni bawk. Inrinni zan inkhawm a um naw a, Pathienni zing, chawhnung le zantieng inkhawm hmangin zan program hmang a ni nawh. Pathienni zantieng hin mipui inkhawm hai ta ding ruoi ṭhe a ni a. Inruolsiekna um naw sienkhawm One Day for Christ le Development fund pe ṭha tak Sielmat le Thingchawm Unit hai kuoma inhlan a ni a. Ei unit member Nk. Nicole Lalsangmawi (secular), Nk. Vasty Lalengvar (unit committee a zawna kum 10), Tv. Joab L Keivom le Tv. Elvis Buonhmingthang (Theology) haiin chawimawina le lawmpuina an dawng a nih.

Inkhawmpui hun sung hin Rev. Lalrohlu, EAL, Upa Ramhlunsang, Chairman TPKṬP le Rev. Dr. V. Lalnghakthang, Lecturer, SBC haiin Pathien thu an hril. Inkhawmpui ṭumṭiek hun, Pathienni zantieng hin TPKṬP ṭhuoitu thar hai ṭawngṭaipekna hun Rev. Lalneikhum Sungte, Presbytery Secretary, Tuiṭhaphai Presbytery in a hmang. Kum thar inkhawmpuina hmun ding hriet a la ni nawh.

Inkhawmpui hun a hin Unit haia inthawk kut them thiem nei haiin Development Fund ding, an kutsuok hai an chawikhawm a. Pathienni zantieng hin Relief Fund dingin thawlawm dawl a nih.

Inkhawmpui Secretary in report a pek dungzuiin Unit 15 in report an pek thei a, ram buoi leiin Unit 7 haia inthawk report hmu thei a ni nawh. Hi dungzui hin Ṭhalai member 1985 a nih.

Kum khat liemtah sung khan ṭhalai member kohran dana innei pasal 5 le nuhmei 5 an um a, hi hun sung bawk hin dan loa nuhmei/pasal nei 51 an um a nih.

TPKṬP  (2024-2026) hotu thar hai

Chairman: Lalnunmawi Zote

Vice Chairman: Upa Ramhlunsang 

Secretary: Lalsuongum

Asst. Secy.:  Robert Joute

Fin. Secretary:  Zokhumi

Treasurer: Marina Buongpui

One Day for Christ (Fin Secy): Rose Rodingpui 

Birthday gift (Fin Secy):  Erika Zarzokim

Committee members: Lalrosiem Ṭhiek, Diamond Malsawmthang, David Tryte, Ebenezar Sinate, Ramngailien, Simon Barjona, David Lungṭau, Hmangaisang Varte.

Central Committee member ding thlang thar Ebenezar Sinate, Rev. Alan Ṭhiek, Diamond Malsawmthang, David Lungṭau, David Tryte hai an nih.