Thalai Weekly editor hlui Pu H.D Lalremruot ei the tah
Kum 2010 – 2011 sûnga Ṭhalai Weekly Editor Pu H.D Lalremruot chu March 18, 2023 khan Tonsillitis natna leiin ei lo ṭhe tah. Ama hi Ṭhalai Weekly tuta volume fe mêka Editor hmasatak a nih.
Pu H.D Lalremruot ngainat suklangna le chawimawinain, Editorial Board member haiin a ruong Hmar Thangsuopuon an inkhum a. Volume IV Issue 11-ah, ama puolin Editorial inchuonna hlak hmunah a thlalak le ngainat thuziek inchuon a nih.
Hnuoi lâwmna hi a va tâwi ngêi maw!
Dâr inkhât a hung inri nâwk ta ie.
Lalpa remruot hlak sui phâk ruol lo;
A va mak ngêi, Bossßs Pu Remruot!
Lâwmna ni ding mitthli'n ei ṭan tah.
Riengte'n i zâl el a ni?
En ta, ṭhen le ruolhai kan hung,
Motor hung khal suok ta la;
Ruoi ṭhe ding khawm a'n pei ta hih.
Unau, i liem ni hin khuo a sâwt ie;
Offside um ta nawna ram a chun
Tho nâwk dingin muongte'n lo châwl r'ie.
Khawsawt a suk um vung vung ie Bossßs chu. A school kai laia "light travels in a straight line" ti dam, TW a a article ziek "System of Rice Intensification" ti dam, TW report pek dam, blanket sawpa hme suongtu in bufai a lo dawl ti dam, a motor laklaw deua a park ti dam, a chanchin hin mi a sukhlimin a chin a lienin hril ding tam tak nei seng ei tih. Tuhin chu a chanchinhai hril ni khuoa ama thang ve ta lo ding ana. Muongte'n lo chawl ta rawh Bosssßs
ReplyDelete