Ṭhalai pawl insukhlim (THLALAK)

Games & Sports mawphurtu hai hmalaknain zani zan khan Saikawt hmun a False 9 (artificial turf) ah ṭhalai pawl fekhawmin ṭhalai sunga pawl dang dang football inkhela insukhlimna hun hmang a nih.

Tuta football inkhel a insukhlimna hi kum 2023 ah a vawikhatna a ni a. Football final hi Rev. Thangler le Rev. Taisen pawl hai an inkhel a, Rev. Thangler a pawl haiin kum 2023 football insukhlimna hmasatak Champion nina an chang a. Pasal hai inkhel karlak a hin nunghak hai pawl pahnia inṭhe in an inkhel ve bawk a nih.

Rev. HK Dohnuna le Rev. Thangngur a pawl hai a pathumna hmun inchuin an inkhel a, Rev. HK Dohnuna pawl hai chu an hnuoi taka ṭhangin Rev. Thangngur a pawl haiin a pathumna an chang a nih.

Hi baka hin mimal lawmman tamtak siem a ni a, chuong hai laia pakhat goal thun rawn tak lawmman chu Tv. Christopher V. Hmar in a lak a. Nisienkhawm, a dang hai hi chu mawphurtuhaiin suklang kher lo dinga rem an ruot a ni angin ei suklang naw a. Lawmman siem a um hai hi Vice Chairman Anthony Buongpui in an hlan a nih.

Insukhliem, insuk lungsen um loa ṭhalai hai theitawpa hratna chang tuma ei inkhel el insukhlim hi a mawiin anhawi a nih.