Dîl a nga man

Diamond Jubilee hmang ding le inzawma inbuotsaina le hmalakna chi dang dang ei thaw laia pakhat chu dîl a nga ei vai kha a nih.

Kum 2 sung ei vai a, a man um a nga kuoi hai vel tam ei thaw hnungin, vai sunzawm a remchang ta naw ding a ni leiin kum liemtah 2022 Mîmtukthla 20-21 khan ei nga vai hai man a zawrin, dîl a nga vai chu ei lo suktawp ta a nih.

Hi ei ngai dîl a inthawk hin tangka ṭhahnem tak el ei hmudawk a, a ṭul le pawimaw tangka thawtu le a enkawltu bik ṭhalai hai hming sût kher loin, an chungah lawmthu ei hril a nih.

Ei theina tlawm le insit um tak tak ni hai sienkhawm, Lalpa rawng ei bawlna ah ei theina seng hmanga ei ṭhangkhawm hin thil lien tak el a hung intlingkhawm hlak a. Mi ihriet le hmu, inpak kher naw khawma, chite te, hril tham ni loa ei ngai mawphurna ei suk puitlingna hai dam hi Ṭhalai le kohran hratna dinga Pathienin mal a sawm hai dam an ni hlak a nih.