EFCI le ICI Sielmat Ṭhalai inkhawm tlâng

Changer 18, 2022 zan khan Roberts Jubilee Chapel, Sielmat ah EFCI le ICI Sielmat Kristien Ṭhalai Pawl hai inkhawm tlângna hun hmang a nih.

Ṭhalai inkhawm tlangna a hin EFCI ṭhalai haiin tukum 2022 a Presbytery ṭhalai inkhawmpuia an inruolsiekna hla “Lal David Ṭap hla” an sak a. Sielmat ICI ṭhalai haiin tukum Presbytery ṭhalai inkhawmpui huna inruolsiekna ding “Ram eng mawi tak” an sak ve a nih. Hlapawlpui baka hin inpakna Pu James Pakhuongte a inthawk ngaithlak a ni bawk.

Hun hmang tlangna a hin Pu Lalruotsang Songate in Pathien thucha tawi hrilna hun a hmang a nih.

EFCI Saikawt Presbytery KṬP hi kar nawk Changer 28-30, 2022 in Muolbem khuoah inkhawmpui hmang an ti a. ICI Tuiṭhaphai Presbytery KṬP hi tuta kar Changer 21-23, 2022 in Gilgal, Rengkai ah inkhawmpui an tih. Hun hmang tlângna a hin ṭhalai member 130 chuong fekhawm a ni a.

Inkhawm ṭinin thingpui inhnik tak el dawn tlang a ni bawk a nih.

Thlalak: Tv. Alvin Lalngaisak Intoate