Header Ads

Header ADS

DJ Star Winner Nk. Melody Biete

Diamond Jubilee kum intluon lawmna le inzawma buotsai Diamond Jubilee Star a vawrtawpna chu vawizan (Thlazîng 16, 2022) khan Fellowship Hall ah inhawi le hlimtlang takin a thiem tak DJ Star Winner Nk. Meoldy Biete niin hmang zo a lo ni tah.


DJ Star hi ṭum thum - thlitfimna, vel hnina le vel thumna a huoihawt a ni a. Nk. Faith Roneihlu le Nk. Seraph Lalthienghlim haiin lawmman a pahnina le a pathumna an lak a. A vawrtawp zan hin mi 5 thlangdawk a um hai an inel a. A palina le pangana chu Nk. Ramtiemmawi Songate le Nk. Gospel Lalthangmawi hai an nih.


DJ Star Winner hin lawmmanin India tangka ₹ 3,000/- , thuziek le trophy a lak a. A pahnina le a pathumna hai hin India tangka ₹ 2,000/- , 1,000/- le thuziek an lak ve ve a. A ṭhang hai poin participation certificate an dawng a nih.


Malzai inruolsiekna hi Nk. Catherine Sellate, Nk. Deborah Infimate le Tv. Enoch Peter haiin an endik a. Akarlakah, endiktu khuolṭha an um zeu zeu bawk.


Diamond Jubilee lawmna hun ropui le a vawrtawp tak chu kumtawp December 2022 thla tawp a hmang dinga riruong a ni a. Ei riruong lawk Diamond Jubilee inhawi le hlawtling taka hmang a ni theina dingin ṭawngṭaina ah lo hrie hlak ei tiu.











No comments

Powered by Blogger.