DJ Star vel hnina zo; mi 5 tling [THLALAK]

Ṭhalai Diamond Jubilee kum intluon lawmna le inzawma buotsai malzai inruolsiekna Diamond Jubilee Star a vel hnina chu vawizan (Thlazîng 8, 2022) khan Fellowship Hall ah hlawtling le hlimum taka huoihawt a nih.

A vel hnina a hin malzaiin mi 10 an inruolsiek a, mi 10 hai laia hin a vel thumna le a tawpna (final) a inruolsiek dingin mi 5 thlangdawkin an tling. Final a malzai inruolsiek dinga tling 5 hai chu - Gospel Lalthangmawi, Faith Roneihlu, Ramtiemmawi Songate, Melody Biete le Seraph Lalthienghlim hai an nih.

Final a hin hla pahni - hla inang pakhat le an ni thlang pakhat ve ve sak an tih. Inruolsiekna vawrtawp hi hung tlung ding kar thar Thlazîng 16, 2022 zan, a hmun pangngai a bawk huoihawt nawk ning a tih.

DJ Star 2022 a vel hnina a hin endiktu khuolṭha in Nk. Gloria Khawlhring a ṭhang a. Nk. Catherine Ramneimawi, Nk. Deborah Infimate le Tv. Enoch Peter hai chu DJ Star 2022 endiktu an nih.