Remna Lal Krista

Zawlneihai hril lawk angin,

Van lal nau Krista chu;

Remna palai sinthaw di’n,

Tlawmtakin a hung pieng Bethlehem ah;

Hnuoi le van inremna chanchin lawmum a nih.

Hnuoi mihai lawmtakin hlamawi rem ro,

Hnuoi le van karah remna thu hril;

Tuhin ei kuoma chun Immanuel chu

A hung cheng tah Lal Krista chu.

Van mipuiha’n zairemin,

Sandamtu an chawimawi;

An zai rimawi thang khawk chun,

Bethlehem lai tuol chu a nghawr vel ie;

Chunghnung takah Pathien ropui raw se tiin.

Va chuon inla Bethlehem,

Dai hmun khawsawt a chun;

Mari hraichawi naute chu,

Lawmin chibai va buk ve ngei ei tiu;

Lawmna’n rothilhlu le iengkim chu inhlan in.

Remna lal pieng hin ei ram,

Lungril sukhar sien la;

Mitin lungril sukthiengin,

Remna chanchin ṭha chu hung tlung raw se;

Mitin reng ta dinga remna Lal a ni si.