Lalpa ka himna kulpui ~ Buonglienkung

1. Aw Lalpa țhatzie chu intem sin hrim ta u,

Ama a ringna innghattu chu an ham a țha ngei,

Aw a mi inthienghai Lalpa chu ți unla a kuom hung pan ro,

Ama ți tu hai ta ding chun,

Tlâksamna rêng a um ta ngai nawh.

Aw Lalpa I va ropui ngei, kan himna kulpui I lo ni si.

Contralto & Bass:

Thildang po po nek a țha lem,

Lalpa ring hi a nih, Hnuoi ropuina po po nêkin,

Ka thlang lem ie ka Lalpa chu,

Sakeibaknei vânglai hai chu an tlasamin an phing a țâm hlak,

Lalpa ringtuhai ta ding chun tlâksamna rêng a um ta ngai nawh.

2. Thina hlim varuom hraw lai khawmin Lalpa chun,

Ama ringtuhai thilțha pe in a mâksan ngai nawh,

Lalpa ringtuhai chu an hamțha vadung kawla thing phun angin,

Țuoini rêng rêng an nei ta nawh,

Pârvul in ra an insuo zing hlak.

3. Ka hlimna le lawmna Lalpa chau hi a nih,

Ama a hung hnai chun ka hlima tlâksam ka ți nawh,

Ka hringna a mi siemthar pêka felna lampui ah a mi țhuoi,

Thiemnaw chang rêng ka ți ta nawh,

Ka himna kulpui Lalpa a nih.