Ṭhalai member B.Th zo thar Joab le Elvis Ṭhalai pawlin lawmpuina an hlan

Sielmat Bible College 36th Graduation Service chu zani Pathienni khan Roberts’ Jubilee Chapel, Sielmat ah mipui pungkhawm naw zawngin hlawtling taka hmang zo a nih.

36th Graduation Service a hin ei Ṭhalai member tlangval pahni - Joab L Keivom le Elvis Buonhmingthang hai chu Bachelor of Theology zo felin an lo graduate tah.

Ṭhalai member Bible inchukna kawnga hlawtlingna chang thar hai lawmpuinain Ṭhalai Pawl hmingin lawmpuina thilpek inhlan ve ve an ni a. Hmatieng hun an la fe peina ding kawngah ditsakna insangtak ei inhlan.