Kum inkhawmpui ding inbuotsaina fepui zing; Vawisun Ṭhalai hnatlang

Tuiṭhaphai Presbytery Kristien Ṭhalai Pawl kum inkhawmpui le Diamond Jubilee inserna, zing Inrinni a ei venga innghat ding le inzawmin tuta Thawṭanni a inthawk khan Ṭhalai hnatlang zantin fepui zing a lo ni tah.

Inkhawmpui hi hri leng um leiin rorelna hun - suna chau hmang ning a ta, Jubilee lawm hi Pathienni leh Council Hall a inser ning a ta. Hi hma zingkar hin Roberts’ Jubilee Chapel tuola lungphun hawng ning a tih.

Hi le inzawmpei hin inbuotsaina vawrtawp nei dingin vawisun dar 10:30 a chenve hin Secretary in Ṭhalai hnatlang a ko a nih. Ṭhalai member ka ni inti taphawt chu sin buoina lei ti naw chu hnatlang a ṭhang dingin ei in fiel a nih.

Hi rorelna a hin Covid-19 laka him theina dinga sawrkarin an duong SOP hai chu thei ang taka ṭha a zui dinga inbuotsai a ni bawk.

Hun khir tak kara Ṭhalai activity nei theia ei la um hi a ropui a, hril tham ni lo rawngbawl nei thei dinga hun thar ni thar a la’n hersuok hi hlutak a hmang tum ei tiu.

Hnatlang thlalak ṭhenkhat ei hung suklang.