Ṭhalai sports 2020 [EXCLUSIVE PHOTOS]

September 29, 2020 zantieng dar 4 khan Ṭhalai Committee le group hotuhaiin iemani chena riruongna an lo siem tah Ṭhalai Sports 2020 chu Thanpari Sailo Memorial Futsal Arena, Kawnpui ah huoihawt a nih. Inkhelna hi zantieng dar 4 a inthawk thimbut dar 7 chen nei a nih.

Roberts’ Jubilee Chapel tuola Rev. L Joshua in ṭawngṭaina a nei a, Ṭhalai pawl 80+ fekhawm a nih.

                                                                                           

Group futsal inkhelna a hin match hmasataka Daniel le Joel an pet a, 1-1 a an inang zoin Penalty petin 3-2 in Daniel a group haiin hratna an chang a. Match hnina ah Hosea le Amos inkhelin 6-2 in Amos group haiin hratna an chang a. Amos le Joel 3rd match inkhelin Amos hai 1-0 in an hratlem a nih.

Final match ah Hosea le Daniel inkhelin 5-0 in Hosea group haiin a hrattak nina an chang. Hi karlaka hin Committee member le rawlthar hai inkhel ve a ni a, rawlthar haiin hratna an changve.

A hrattak Hosea hai kuoma hin tangkafai Rs. 500/- inhlan an nih. Ṭhalai hai inhawi an tiin an hlimtlang hle a. Inhliem hril tham le insukna iengkhawm um loa ṭha taka sports chu zofel a nih.