Thawlawm thlak sunzawm; Group haiin target an pek seng

Inkhawm um naw sienla khawm, Ṭhalai inkhawm zana thawlawm thlak dinga rel ta chu a zan thumna dingin zani Zirtawp zan (Sep 11) khan thlak sunzawm nawk a. Thawlam siekhawma um hai hi Ṭhalai Secretary Pu Andrew Songate in Pathien kuomah inhlanna a nei nghal.

Thawlawm pangngai thlak a ni baka hin ODC, Project Fund, Missionary support Fund hai khawm hi huna hin a dawltuhai umin a pe thei theiin an pek bawk a. Chubaka chun, Ṭhalai group inṭhe danah khawsunga um pali - Amos, Hosea, Daniel le Joel hai khawma group tangka ṭhahnem tak el an peklut bawk.

Hun harsa le khir tak ei tuok mek lai khawma Kohran tungding le rawngbawlna fe pei theina dinga Ṭhalai hai ṭhahnemngaina hai lawm a umin inpak a um tak zet a nih.